ಅಲ್ಜಿಯರ್ಸ್: ಉತ್ತರ ಆಫ್ರಿಕಾ ದೇಶ ಅಲ್ಜೀರಿಯಾದಲ್ಲಿ ಹೊಸ ಸಾಂವಿಧಾನಿಕ ಸುಧಾರಣೆಗಳನ್ನು ಅನುಮೋದಿಸಲು ಮತದಾನದ ನಂತರ ಕ್ರಿಶ್ಚಿಯನ್ ಧಾರ್ಮಿಕ ಸ್ವಾತಂತ್ರ್ಯವನ್ನು ಸಂರಕ್ಷಿಸಲು ಯಾವುದೇ ಕಾರ್ಯಕ್ರಮಗಳನ್ನು ತೆಗೆದುಕೊಳ್ಳಲಾಗುವುದಿಲ್ಲ ಎಂದು ಕಳವಳ ವ್ಯಕ್ತಪಡಿಸಲಾಗಿದೆ. ಅಲ್ಜೀರಿಯಾದ ಅಧಿಕಾರಿಗಳು ತೆಗೆದುಕೊಂಡ ಕ್ರಮಗಳು ಸಾರ್ವಜನಿಕ ಆರಾಧನೆಗೆ ಕ್ರಿಶ್ಚಿಯನ್ನರ ಹಕ್ಕುಗಳನ್ನು ರಕ್ಷಿಸುವಲ್ಲಿ ವಿಫಲವಾಗಿವೆ ಎಂದು ವಿವಿಧ ವರದಿಗಳು ಸೂಚಿಸುತ್ತವೆ. ಇಸ್ಲಾಮಿಕ್ – ಬಹುಸಂಖ್ಯಾತ ದೇಶವಾದ ಅಲ್ಜೀರಿಯಾದ ಜನಸಂಖ್ಯೆಯ ಕ್ರಿಶ್ಚಿಯನ್ನರು ಕೇವಲ 0.2% ರಷ್ಟಿದ್ದಾರೆ.
ಚರ್ಚುಗಳು ಇವಾಂಜೆಲಿಕಲ್ ಪ್ರೊಟೆಸ್ಟಂಟ್ ಅಸೋಸಿಯೇಶನ್ (EPA) ಯೊಂದಿಗೆ ಕಾನೂನುಬದ್ಧವಾಗಿ ಸಂಬಂಧ ಹೊಂದಿದ್ದರೂ, ಅಲ್ಜೀರಿಯಾದಲ್ಲಿನ ಅನೇಕ ಕ್ರಿಶ್ಚಿಯನ್ ಆರಾಧನಾ ಸ್ಥಳಗಳನ್ನು 2017 ರಿಂದ ಮುಚ್ಚಲಾಗಿದೆ. ಇದು ದಶಕಳಿಂದ ಅಲ್ಜೀರಿಯಾದ ಧಾರ್ಮಿಕ ಅಲ್ಪಸಂಖ್ಯಾತರ ವಿರುದ್ಧದ ಪ್ರಕ್ರಿಯೆಯ ಭಾಗವಾಗಿದೆ. ಕೋವಿಡ್ ಸಾಂಕ್ರಾಮಿಕದ ನಂತರ ಎಲ್ಲಾ ಧಾರ್ಮಿಕ ಸಂಸ್ಥೆಗಳನ್ನು ಮುಚ್ಚುವ ಆದೇಶದಿಂದ ಈ ನಿರ್ಧಾರವನ್ನು ತ್ವರಿತಗೊಳಿಸಲಾಯಿತು. ಸರ್ಕಾರದ ರಿಯಾಯಿತಿಗಳನ್ನು ಅನುಸರಿಸಿ ಮಸೀದಿಗಳನ್ನು ಮತ್ತೆ ತೆರೆಯಲಾಗಿದೆ, ಆದರೆ ಕ್ರಿಶ್ಚಿಯನ್ ಚರ್ಚುಗಳನ್ನು ಇನ್ನೂ ತೆರೆಯಲು ಅನುಮತಿಸಲಾಗಿಲ್ಲ. ಎಲ್ಲಾ ಪೂಜಾ ಸ್ಥಳಗಳ ರಕ್ಷಣೆಯನ್ನು ಖಚಿತಪಡಿಸಿಕೊಳ್ಳಲು ಕಾನೂನು ಜಾರಿಗೆ ಬಂದಿದ್ದರೂ, ಇತ್ತೀಚಿನ ಘಟನೆಗಳು ಅದನ್ನು ಸಂಪೂರ್ಣವಾಗಿ ತಳ್ಳಿಹಾಕಿದೆ.
ಆರಾಧನೆಯ ಸ್ಥಳಗಳು ಪುನ: ತೆರೆಯಲು ಅಧಿಕಾರಿಗಳ ಅನುಮತಿ ದಾಖಲೆ ಬಿಡುಗಡೆ ಮಾಡಲಾಗಿದೆ, ಆದರೂ ಈ ಪಟ್ಟಿಯಲ್ಲಿ ಯಾವುದೇ ಕ್ರಿಶ್ಚಿಯನ್ ಚರ್ಚುಗಳನ್ನು ಸೇರಿಸಲಾಗಿಲ್ಲ. ದೇಶದಲ್ಲಿ ಸುಮಾರು ಎರಡು ಲಕ್ಷ ಕ್ರೈಸ್ತರು ವಾಸಿಸುತ್ತಿದ್ದಾರೆ. ದಶಕಗಳಿಂದ ವಿವಿಧ ಧಾರ್ಮಿಕ ಕಿರುಕುಳಗಳಿಗೆ ಒಳಗಾಗಿದ್ದರೂ, ಅವರು ಕ್ರಿಸ್ತನಿಗೆ ಧೈರ್ಯದಿಂದ ಸಾಕ್ಷಿಯಾಗುವ ಮೂಲಕ ತಮ್ಮ ಜೀವನವನ್ನು ಮುಂದುವರಿಸುತ್ತಾರೆ.